Na Abrahama - Kabaret Rak

Erich wzion tydzień urlopu z werku 
Zrobiył krupnioków i frankfuterków. 
Piwo zamówiył tyż „U Augusta”, 
Bydzie fajrowoł w czwortek gyburstag. 

Zmiyszoł gorzołka z malcym do smaku, 
W garcu rozrobioł ajerkoniaku. 
Rozloł do flaszek i zafropowoł, 
Jedna se flaszka na boku schowoł. 

Na Abrahama, na Abrahama 
Erich w gyszynku dostoł piżama 
I choć mu piźnie już fufcich jary 
Erich nie czuje sie wcale stary. 

Luci zaś dzisioj z samego rana 
Mlyko kupiyła, masło, śmietana, 
A teroz do dom leci już gibko, 
By zdążyć upiyc kołocz z posypką. 

Dym fest sie snuje z komina w gora 
Pewnie rozgrzono jest już bradrura 
I łogiyń w piecu ostro buzuje, 
Bo Erich wąglym z Wolfki hajcuje. 

Na Abrahama, na Abrahama 
Erich w gyszynku dostoł piżama 
I choć mu piźnie już fufcich jary 
Erich nie czuje sie wcale stary. 

Luci we izbie wiyszo gardiny 
Poszwy przeblyko, wietrzy pierzyny, 
Obrus bigluje na wielkim stole, 
We szranku zmiynio kule na mole. 

Erich naprawio w siyni gelynder, 
Klamki pucuje, z kromlojchtra sztynder 
I lojfer jeszcze na koniec wyklupie, 
Bo jutro mo być hołglanz w chałupie. 

Na Abrahama, na Abrahama 
Erich w gyszynku dostoł piżama 
I choć mu piźnie już fufcich jary 
Erich nie czuje sie wcale stary. 

Na Abrahama, na Abrahama 
Erich w gyszynku dostoł piżama 
I choć mu piźnie już fufcich jary 
Erich nie czuje sie wcale stary.