Mój Śląsku - Optima

Nasi dziadkowie
Ło cia walczyli.
Niy jednyj dziołsze
Łoczy zmoczyli.
Nasi łojcowie
Cie budowali,
A my niy wiymy
Co bydzie dalij.

Mój Śląsku
Czy słyszysz jak śpiywomy?
Śpiywomy dlo ciebie,
Bo ciebie kochomy.
Mój Śląsku
To przeciyż niy możliwe
Co tu się wyrobio,
Jak wszystko jest krziwe.

Byłeś bogaty
Cie miłowali.
Za chlebym wszyscy
Tu przijyżdżali.
Brołeś nos wszystkich
Jak nasze dzieci.
Teros wyśpiywom
Ci żale moje.

Mój Śląsku
Jak zbladła twoja rola,
Że wyjechał Froncek,
Wyjechała Gola.
Mój Śląsku
Czy Ty tego niy widzisz?
Czy ło nos się starosz,
Czy z nos teros szydzisz.

Zeflik pod ziemiom
Kiedyś fedrował.
Jorguś na hucie
W piecu hajcowoł.
Teros obydwa
Som bez roboty.
Przestali nawet
Godać gupoty.

Mój Śląsku
Czy słyszysz jak śpiywomy?
Śpiywomy dlo ciebie,
Bo ciebie kochomy.
Mój Śląsku
To przeciyż niy możliwe.
Co tu się wyrobio,
Jak wszystko jest krziwe.
Mój Śląsku
Jak zbladła twoja rola.
Że wyjechał Froncek,
Wyjechała Gola.
Mój Śląsku
Czy Ty tego niy widzisz?
Czy ło nos się starosz,
Czy z nos teros szydzisz?